Home Uncategorized Evelyn Wever-Croes: problema di pensionado di SVB Curacao trata cu Parlamento di...

Evelyn Wever-Croes: problema di pensionado di SVB Curacao trata cu Parlamento di Curacao

SHARE
Den Haag — Manera anticipa lider di MEP Evelyn Wever-Croes a discuti e problema di pensionadonan cu Parlamento di Curacao.
Ta trata di pensionadonan arubiano cu a traha den tempo di antiyas y ta haya pensioen di SVB di Curacao.
Fin di aña pasa nan cada un a haya un carta di SVB Curacao pa informa nan cu ta bai corta 10% di e pensioen di cada luna y ademas na december nan no lo haya e bonus di pasco mas.
Esaki a trese hopi problema financiero pa e grupo di pensionado aki, cu na nan turno a acudi serca e lider di fraccion di MEP pa un solucion of ayudo.
Lider di MEP Evelyn Wever-Croes a indica cu a purba riba nivel di gobierno di Curacao, pero esey ta algo cu ta gobierno di AVP mester hasi y nan no tabata tin mucho interes pa yuda pensionadonan.
Pues lider di MEP a dicidi di trata esaki den reunion entre parlamento y parlamento. Durante e reunionnan tripartiet di Aruba Curacao y Sint Maarten dialuna ultimo na Hulanda, esaki a wordo trata. St. Maarten a indica cu nan tambe tin e problema ey.
A keda palabra cu e parlamentarionan di Curacao lo busca mas informacion y mira si por yega na un solucion. Lider di MEP Evelyn Wever-Croes lo sigi den contacto cu su coleganan di Curacao, pa por logra elimina e medida aki contra pensionadonan. En todo caso, tin movecion den direccion di un posibel solucion.