Home Uncategorized Jacky van Putten POR su meta ta pa percura pa tur ciudadano...

Jacky van Putten POR su meta ta pa percura pa tur ciudadano cu ta desea di haci deporte tin e posibilidad y oportunidad pa haci esey, tanto recreativo como competitivo

SHARE
????????????????????????????????????

Fin di siman cu a pasa e Plataforma Nobo POR a subi caya pa bishita hogarnan tur rond di nos isla y comparti nos programa di gobernacion. Mester remarca cu e pueblo tabata masha habri y nos a wordo permiti di drenta y sinta cu nan. Nos por a wak un pueblo cu ta cla pa e cambio, un pueblo cu kier mira algo nobo y no e mesun dos partidonan di semper.

Pueblo kier e cambio y nan ta mire den partido POR. Loke a resalta como precupacion principal  ta e falta di siguridad. Nan no ta sinti nan mes sigur mas riba caya, ni sikiera den nan propio cas. Nan ta expresa cu nunca den nan bida nan a sinti nan mes asina insigur. Otro precupacion grandi ta e cuido di salud, mas specificamente e acceso na nan docter. E la bira un caminda di cruz pa simplemente haya un cita cu bo docter di cas pa despues tin cu warda lunanan pa haya un cita cu specialista. E di tres preocupacion ta nan entrada y e costo di bida. Nan ta expresa cu e placa no ta yega y mester bringa tur luna pa cumpli cu awa, coriente y wak te unda e florin ta rek pa cumpra cuminda.

E ta bon pa candidatonan cana den pueblo y scucha y mira pa nan mes kico ta biba den e pueblo. Como canditato riba e Plataforma Nobo, pa deporte y recreacion mi por a nota cu e oportunidadnan pa e barionan riba tereno di deporte ta hopi limita pa no bisa cu den hopi bario no tin mes. Gobiernonan a concentra riba facilidadnan grandi pero a lubida  riba e accesibilidad na nan. E facilidadnan a bira mucho caro pa usa cu e consecuencia cu e famianan no por haci uzo di nan. Nos ta puntra pakico anto a hinca tanto placa si despues no por uzanan y mas tristo  ainda ta laga nan bay atras sin mantencion.

Den e Plan di Accion di Plataforma Nobo punto 2.3 di deporte nos prioridad ta brinda tur hende den tur bario e accesibilidad na deporte, nan mester a base di un costo minimo te gratis tin e acceso na deporte, movecion y recreacion. Costo di salud ta halto y nos pueblo ta sufri grandemente cu sobreso, diabetis, presion halto y problemanan di riñon. Un di e forman mas efectivo pa combati esaki ta movecion. Prevencion ta mas importante cu cura.

Gobierno tin e responsabilidad pa cu pueblo pa provee e oportunidad pa asina desde edad hoben por wordo guia den deporte. Plataforma E Forsa Nobo tin un plan di maneho cu lo wordo implementa apenas cu nos ta den gobierno. Tur bario lo haya e atencion necesario, facilidanan lo wordo renova y adapta pa asina por brinda e oportunidadnan tur bou guia profesional di instructornan y boluntarionan capacita. No mag y no por acepta mas cu  facilidadnan paga cu placa di pueblo ta prefera di keda cera pasobra no tin placa pa haci uzo di nan. Esaki ta un crimen y un abuso cu lo termina!