Home Uncategorized Cabesantenan Angela Romero y Sharissa Tsu ISL a siña nos con pa...

Cabesantenan Angela Romero y Sharissa Tsu ISL a siña nos con pa bin cu cambionan den enseñansa

SHARE

ORANJESTAD, Aruba: Recientemente a tuma luga e “International School Leadership” (ISL) cu participacion di diferente departamento di enseñansa. Docentenan a mustra pakico nan a haya cu e conferencia aki tabata uno importante. Cabesantenan Romero y Tsu a haya cu ISL a mustra ideanan con pa mehora enseñansa y unda por mehora.

Scol Preparatorio Tarcisius ta haciendo cambionan y esaki ta cosnan cu no por cambia di biaha, asina cabesante Angela Romero a remarca. Nan a haya hopi informacion cu ta util pa nan cu ta lider por implementa na scol. “Tin hopi idea bunita y positivo cu ta cuadra cu loke nos ta haci pa varios aña caba por ehempel Consciuos Discipline, dunando sosten”, Angela Romero a remarca. Diferente otro curso cu nan a haya ta compila cu ISL y asina nan a haya un miho idea y e conocemento cu nan ta riba e bon caminda cu nan por guia nan scolnan.

Nan a haya e oportunidad pa bay Canada y nan a forma parti di e simposio. “Esey tabata hopi great. Mi a mira cu nos no ta e unico sistema di educacion cu tin cierto trampa pero cu nos por drecha nan y cu nos ta trahando riba tur pa logra”, Angela Romero a remarca. E impacto di ISL na Aruba ta grandi y tin hopi hende hoben, lidernan nobo, cu tin ideanan nobo pa trece, pa implementa. Hunto cu otro cursonan cu e cambio di pensamento pa un miho educacion, e deseo di cambia, e curashi cu nan ta topa ultimamente cerca otro hende pa trece un caminda. Purba di implementa esaki ta hopi bunita, pasobra e ta acopla cu loke Laura a siña nan y mira nan como ehempel y mira kico por adapta akinan.

“Manera Minister Hooyboer-Winklaar a bisa e no ta un cambio cu lo bay logra den 2 aña. Nos mester keda persevera, colabora cu otro y comunica pa asina nos por logra yega trece e cambio den e sistema di educacion cu nos ta desea”, Angela Romero a remarca.

ISL a haci’e mas miho pasobra antes cabesante di Colegio Bon Bini, Sharissa Tsu, a cuminsa cu un proyecto pa promove colaboracion den klas. Durante e conferencia di ISL el a caba di hinca e proyecto den otro. Awo nan ta purba di duna les 2 biaha pa siman den sistema di colaboracion. El a hinca esaki den un sistema cooperativo y juffrouwnan mester duna un les a base di eseynan. E tayer a dura hopi y nan ta bezig pa 2 aña. “Aworaki ta mirando con e ta bayendo den e klas”, Sharissa Tsu a comenta.

Hopi biaha ISL ta trata di colaboracion y e cabesante di Colegio Bon Bini ta di pensamento cu nan mes ora tabata chikito tabata sinta den banki tras di otro y no tabata mag di yuda otro y a crece den un sistema asina. Comunidad ta pidiendo diferente y mester siña con pa traha hunto. ISL ta trece e sistema ey con pa colabora y esey ta loke eigenlijk aki mester cambia poco, poco den enseñansa. Den scol basico e ta un poco dificil pasobra hopi biaha ta enfoca cu muchanan tin cu sinta patras di otro, nan no mag di kijk af, nan no mag di yuda otro. E ta un pensamento cu mester cambia.