Home Uncategorized Anciana haya sin bida den su cas na Caya St.Maarten, e tawata...

Anciana haya sin bida den su cas na Caya St.Maarten, e tawata tin varios dia morto

SHARE

Caya St. Maarten – Diadomingo atardi pa mas o menos 4:45 polis ta bay un adres situa den Caya St Maarten. Motibo tawata cu bisiñanan ya basta dia no tawata wak un señora di 97aña di edad di Fam Carter.

E persona cu a pidi asistencia di polis tawata para pafo y tawata haya holor malo, saliendo di e cas.
E dama di Fam B cu ta esun cu ta haci respondi pa e señora a bisa polisnan cu e señora casi no tin famia aki na Aruba. Para pafo agentenan tambe tawata haya e holor fuerte, cu tawata sali di e cas.

Por constata cu e cas tawata completamente cera. Polisnan a forsa e porta dilanti pa drenta e cas, paden nan ta haya e señora di Fam Carter ariba vloer den su camber, e tawata den un estado di decomposicion avansa.
Indicando cu e señora Carter lo a bira malo y cay den su camber y fayece.

Na e adres un personal di Ambulance su rapid respond team, tambe tawata presente, caminda cu a avisa dokter Van der Linden. Pa mas o menos 5:40 dokter Van der Linden a constata morto, cu tawata un morto natural.

Na e cas tawata tin dos famia. Un di nan no tawata kier tin nada di haci cu e curpa, relaciona cu entiero.
E otro familiar tampoco a keda, mirando cu su casa lo ta malo na cas.

Señora B cu no ta famia y ta esun cu tawata yuda e anciana, a keda na e cas y lo a bay santana di Sabana Basora, pa a warda Ad Patres ora cu nan a bay dera e curpa.

Di parti di Arubanative.com cu señora Carter sosega na paz.