Home Uncategorized Polis a haye ta los tiro di advertencia, pa calma grupo problematico

Polis a haye ta los tiro di advertencia, pa calma grupo problematico

SHARE

Caya Dick Cooper – Diasabra marduga den careda di 3’or y mey patruya di San Nicolas pasando den Caya Dick Cooper, ta tuma nota di un gang conoci pa nan. E personanan aki ta conoci pa ta hendenan problematico y cu sa ta arma.

Mirando e cantidad di hendenan a dicidi pa pidi refuerso.
Situacion a cambia of a bira mas tense, momento cu esnan den e grupo a wak e polisnan.

Dado momento polis a haye ta detene un di esnan den e grupo, caminda cu a haye cu un arma di candela.
Aki a sigui mas problema, caminda cu e otronan no tawata sigui ordo di polis.

Tiro di advertencia

Agentenan cu a mira cu e situacion ta bayendo for di man a saca nan arma y los tiro di advertencia, mientras mas patruya tawata yegando.
Asina a logra plama e grupo problematico aki.

Departamento tecnico di polis, a ser pidi na e sitio pa asina haci nan investigacion, esaki ta relaciona cu e tiro di advertencia cu a wordo tira.