Caya Danza: Diasabra den oranan di madruga polis ta wordo manda pa atende cu un accidente den Caya Danza
Na yegada nan ta topa cu un dama, kende ta splica polis cu e tabata riba Caya Musica y na momento cu ela bay lora pa drenta Caya Danza e dal contra e acera y esaki a pone perde control bay otro banda di caminda, subi e acera y bay dal contra un palo di Kwihi.
Na prome instante e chauffeur a bisa polis cu e ta bon y no ta herida, pero na momento cu e tabata dunando su declaracion na e representante di Road Assistance, ela cuminsa sinti dolor na su ribchi, polis a pidi pa presencia di ambulance, e dama a wordo atendi pa personal di ambulance na e sitio.
