Home Uncategorized Chaufeur ta hala na su man robes y ta dal den dos...

Chaufeur ta hala na su man robes y ta dal den dos auto biniendo di direccion contrario

SHARE

Rooi Manoonchi: Diadomingo mainta algo prome cu 6’or, polis y ambulance ta wordo manda na Rooi manoonchi riba e caminda pa bay Seroe Blanco pa un accidente entre 3 auto y tres persona herida.

Na e sitio polis ta bin compronde cu e chaufeur di e Toyota Corolla berde tabata bayendo direccion panort riba e caminda di Rooi manoonchi pa Seroe Blanco y pa un of otro motibo e tabata coriendo completamente na su man robes, net na momento cu un Toyota Yaris, maneha pa un dama, tabata biniendo di direccion contrario, e dama tras di stuur di e Yaris a purba hala na banda, pero pa motibo di e cobamento canto di caminda no por a hala mucha na su man drechi y e Corolla Berde ta dal contra e wiel di e Yaris, kibrando esaki. E chauffeur di e Corolla no a para y a sigi bay dal contra un Mini Cooper cu tabata biniendo tras di e Yaris.

Aparentemente e chauffeur di e Corolla a keda herida pa motibo cu e no lo tabata tin seatbelt bisti y den e impactonan fuerte ela dal su cabes den e windshield, e dos damanan chaufeur di e Toyota Yaris y di e Minic Coopera keda levemente herida.

Na e sitio personal di ambulance a trata e dos damanan y despues nan a transporta e chauffeur di e Corolla pa hospital.