Home Uncategorized Kia rio ta bolter den caya grandi, no tawata tin heridos

Kia rio ta bolter den caya grandi, no tawata tin heridos

SHARE

Caya G.F. Betico Croes – Diabierna anochi den careda di 11:45 polis ta bay den Caya grandi, altura unda antes tawata Bon Bini Bazaar. Ey dilanti un auto lo a bolter.

Na yegada di polis nan ta bin topa cu un Kia Rio color cora, ariba su dak. No tawata tin ningun hende herida.
Loke nan a wordo splica ta cu un auto color blanco, lo a subi e crusada pa bay nort y net e Kia Rio tawata pasando den caya direccion oost y ta wordo gedal y ta bay bolter.

E auto cu a occasiona e accidente a sigui bay, pero no sa cu su plachi number a keda atras. Asina ey polisnan sa unda pa a bay busca.

Polisnan lo a bay a bisa e chauffeur cu e tawata coriendo den verboden y loke a chauffeur a bisanan cu e no sa esey paso den noticia ela lesa cu gobierno a bisa mag di core den caya grandi.