Home Uncategorized Dama cu ta sufri di depresion haya desnutri y deshidrata den su...

Dama cu ta sufri di depresion haya desnutri y deshidrata den su cas, ya pa basta siman e lo no haya su medicamentonan

SHARE

Bernhardstraat – Diabierna atardi algo pasa di 4’or patruya di San Nicolas ta bay un adres den Bernhardstraat, caminda cu pa algun siman nan no a wak e habitante.
Ta asina cu e habitante lo tin mester di cuido medico y ta varios siman cu e persona cu ta atende cu ne no por a haye.

Polis na su yegada a logra drenta e cas, caminda cu nan ta haya e habitante cu ta un dama, caminda cu por wak un persona desnutri. Segun informacionnan e dama lo ta un Paaz pashent.

Paaz lo a mande cas

E dama ta biba su so y tawata hopi tristo ora nan haye, e tawata jora.
Paaz lo a mande su cas bek, mirando cu segun nan e tin un bon cas y e no ta bou curatela, pues segun Paaz e lo no por keda cerca nan.

Loke Paaz kizas sa of kizas no sa ta cu, e dama aki no tin hende pa wak pe den e cas.
Por a wak cu paden di e cas, ya pa hopi siman no a wordo haci limpi, paso tawata tin masha hopi stof. “Ta manera cu tempo a para den e cas”.

Mirando cu simannan a pasa cu e dama no a haya su medicamento, mes ora dune esaki.
A bin nota cu e dama tawata bastante deshidrata tambe y aki ta caminda a pidi pa un ambulance.

Pues si no tawata pa e persona cu mester duna e dama medicamento, lo por tawata cuestion di algun dia mas cu e lo por tawata fatal pe, mirando cu e tawata hopi deshidrata.

No ta conoci kiko ta bay pasa awor of ken ta bay yude. Ta trata di un ser humano, cu no ta den e estado mental pa cuida su mes. Ta varios di casonan manera esaki a pasa y ta pasando aki na Aruba, pero cu no ta sali na cla.

Ta spera cu e noticia aki yega na esnan cu e mester yega y cu na nan turno yuda e dama aki, cu lo por causa un daño na su mes of rond di dje, si por ehempel e cende e stoof y laga e gas yena e cas. Nos tur sa bon kiko lo pasa, si e gas ey haya un chispa.