Home Uncategorized Accidente entre brommer cu auto den Mandolinstraat

Accidente entre brommer cu auto den Mandolinstraat

SHARE

Mandolinstraat – Diabierna anochi algo prome cu 9’or un accidente entre un brommer y auto ta sosode den Mandolinstraat na Tarabana.
Informenan a drenta cu e motociclista tawata drumi ariba caminda y no tawata reacciona.

Na yegada di unidadnan policial ya ambulance tawata atendiendo cu e motociclista, cu tawata na tino.
Segun habitantenan e sonido tawata uno basta duro. Ta parse cu e persona cu lo a occasiona e accidente ta biba net caminda e incidente a tuma luga.

Personal di ambulance atendiendo e victima

Despues di e accidente e chauffeurr a drenta su cura di cas. Por a wak cu polisnan den e cura di e cas, controlando e auto.
Despues di un rato e chauffeurr a wordo hiba warda di Playa, pa asina wordo getest pa alcohol.

E victima a wordo transporta pa hospitaal y por a wak cu e ta ok, door di a hisa ambos brasa mustrando cu e lo ta bon.