Home Uncategorized Vandalismo y destruccion grandi cometi cu grafnan den Santana

Vandalismo y destruccion grandi cometi cu grafnan den Santana

SHARE

Zwolle, Recientemente, na Aruba tabata tin varios caso di destruccion y vandalismo den nos santananan y esaki no ta pasa na Aruba so, paso awo na un Santana na Zwolle tambe vandalismo y destruccion di grafnan a tuma lugar.

Awe mainta esnan cu a bay habri e santana ubica den Bischop Willebrandlaan a topa cu un sorpresa di nan bida, ora nan a mira un cantidad grandi di grafnan destrui y e bentananan di e misa destrui.

E destruccion lo a tuma lugar entre 3’or y 45 di diahuebs atardi y 7’or y 45 di diabierna mainta. E malechornan a comete destruccion nan grandi na varios graf y e imagennan y e lanternanan cu tabata decora e grafnan a wordo kibra, esakinan a wordo manda door di e glas di e bentananan di misa destruyendo asina varios di e bentananan.
E daño material ta considerabel entre 20 mil euro pa 30 mil euro.

Via Facebook, Polis di Zwolle ta buskando testigonan of esnan cu por tin cualke pista di e malechornan aki, pa asina por logra  ponenan responsabel pa nan  actonan di destruccion y di hopi falta di respet.