Home Uncategorized Un homber procedente di Belgica cla pa subi avion cu 9 bara...

Un homber procedente di Belgica cla pa subi avion cu 9 bara di oro a keda deteni

SHARE

ZAVENTEM, Belgica – Diahuebs douane na aeropuerto internacional di Belgica Zaventem,  ta logra pone man riba un homber di 48 aña kende tabata cla pa aborda un avion cu destino Istanbul, Turkia. E homber tabata tin den su handbag 9 bara di oro cu ta yega un total di 16 kilo di oro.

E homber aki procedente di Steenokkerzeel, Belgica, no tabata tin solamente 9 bara di oro, pero ora douane a bay buska mas profundo, nan a haya den su jacket y su maletanan casi 126mil Euro cash riba dje.

E homber mesora a keda deteni y Ministerio Publico  lo persigui’e pa labamento di placa y crimen organisa.

E oro cu e tabata tin den su poder, lo por a dune un ganasi 36.500 euro pa cada kilo.