Home Uncategorized Partido POR: Ekipo y technologia moderno den Cuerpo Policial lo crea mas...

Partido POR: Ekipo y technologia moderno den Cuerpo Policial lo crea mas visibilidad y efectividad

SHARE

Na e momentonan aki den cada 8ora di shift cu un agente policial ta traha, tres ora y mey pa 4 ora so nan ta riba caya y e resto di oranan, ta bay na trabou di oficina. Nos di POR kier mira esaki wordo mehora. E presencia di Cuerpo Policial mester wordo redobla door di automatisacion.  door di percura pa den autonan di polis entre otro tin tablets cu ta sincronisa departamentonan (p.e Censo, imigracion, warda nos costa) cua lo haci trabou di polis mas facil. Tambe e control di trafico, di nummerplat, seguro y keuring di autonan por wordo automatisa cu ta haci e bida y trabou di e agente policial hopi mas facil pa su presencia por ta mas visibel riba caminda.

 

Prioridad

“Nos ta pensa cu mester duna ekipo necesario y material necesario y cada agente policial mester por tin un vehiculo pa bo tin atrobe mas presencia riba caminda. Enbes di tin dos of tres persona den un auto. Percura pa prioridadnan wordo poni.”

 

Prioridad mester ta riba e aspecto di siguridad pa tin e ekipo y tin e autonan eyfo cu e ora por triplifica e presencia di polis riba caminda, den barionan cerca di casnan cerca di famianan y hunto cu esaki naturalmente percura pa bo tin nos costanan cubri. E ultimo aki ta un di e prioridadnan cu nos lo atende cu ne aki 3 luna y mey ora cu nos forma parti di e gobierno nobo cu lo sinta caminda cu ekiponan moderno lo enfoca riba control di costanan. Nos sa cu Aruba tin un problema, nos sa cu e radarnan existente tin un blackspot cu bo no por mira ora cu barconan ta drenta Aruba. Nos a wak nos bisiña unda cu  40 – 50 hende ta wordo gara practicamente pa siman. Nos ta untiki mas pariba mas cerca di Venezuela y nos ta gara menos hende cu ta drentando nos pais, sr. Oduber a enfatisa. ‘Ora cu papia na un manera habri cu comunidad cual ta loke POR ta haci, ta sinti cu cos mester cambia, pueblo kier algo nobo. Gobierno no ta atende cu e tipo di problemanan aki,  ta papia cu hendenan di guarda nos costa, ta papia cu hendenan di kustwacht y di cuerpo policial maritimo y tur hende ta consciente cu nos tin un deficiencia cu no ta wordo atende cu ne. Bo no ta sinti for di gobierno cu tin e atencion pa loke ta problema, prioridad y atencion pa e preocupacion number 1 di e pueblo aki pa e eleccion venidero. Contrario nan ta ataca tur hende y bisa cu ta fout di tur hende cu excepcion di e gobernante. Hasta nan a bay asina leu  di bisa cu nan ta kere cu ta oposicion ta orkestra tur e atraconan aki. Mi ta kere cu e ora nos ta ribun ruta robes.

 

 

Plan di Accion POR

POR lo percura pa e materialnan, ekipo y plan ta in place pa cera nos costanan. Di dos, duna bek na Cuerpo Policial e ordo y respet bek. Como tambe e respet cu mester wordo crea di comunidad pa nos cuerpo policial cu e autoridad cu nan mester haya cu e material cu nan mester haya y cu e tecnologia cu nan mester haya pa por combati criminalidad na un forma serio. Esaki ademas di cambionan di ley cu ya nos a papia riba dje na diferente ocasion, sr Oduber a termina bisando.