Home Uncategorized Minister di Salud Publico, Cuido di Nos Grandinan y Deporte, dr. Carlos...

Minister di Salud Publico, Cuido di Nos Grandinan y Deporte, dr. Carlos Alex Schwengle Melanie Wever a haci un tremendo trabou na Miami

SHARE

 

ORANJESTAD, Aruba: Tur hende ta orguyoso di Arubianonan competiendo local of internacionalmente. E aña aki e Tricampeon di Paso Fino, e amazona Melanie Wever a competi den e competencia di Spectrum Internacional, unda cu el a logra e trofeo di Youth Equitation. Minister di Salud Publico, Cuido di Nos Grandinan y Deporte, dr. Carlos “Alex” Schwengle tabata feliz di e oportunidad cu el a haya di a topa cu Melanie Wever na aeropuerto pa asina dun ‘e bon bini y pabien pa su logro.

 

Competencia internacional ta diferente cu competencia local, pasobra internacional un atleta ta bay representa su pais y ta trece un bon nomber pa e pais. “Esey semper ta bon sigur pa un pais chikito cu ta depende asina hopi di turismo, kiermen e ta un reclamo gratis”, Minister Schwengle a remarca. Minister Schwengle semper ta orguyoso di mira un hoben cu ta exalta den un deporte.

 

Melanie Wever ta un jinete, e ta core su cabay specialmente den Paso Fino. Por mira cu e hoben tin talento pa esaki y e ta bin cu premionan. “Esaki a un competencia cu el a bay na Miami y pa 3 biaha e ta gan’e. Melanie Wever ta traha duro pe y e sa bin cu e campeonato un biaha mas”, Minister Schwengle a expresa. Ministerio di Deporte a felicita Melanie Wever y ful su famia, tur su famia y fanaticada.

 

Melanie Wever a train hopi aki na Aruba, pero na Merca tambe el a train cu su cabaynan cu e tabata competi cu nan. Un di e cabaynan el a haya esaki na ultimo momento pe por a competi. “Prome cu e competencia mi a train un rato. Tur cos a bay manera nos tabata kier”, Melanie Wever a expresa. Nan ta pensa di bay Puerto Rico, mientras cu otro aña lo tin e competencia mundial di Paso Fino. “Mi kier a duna un pabien na Zoey Arends, Natalia Mouawad, Elizabeth Johnson y Alina Mansur cu ta mi otro teammate di Aruba cu tambe a haci un bunita presentacion”, Melanie Wever a expresa.

 

“Melanie Wever a cuminsa core cabay desde su 3 aña y el a gusta esaki,” Myron Wever, tata di e hoben, a expresa. E mayornan di Melanie Wever semper a apoya e hoben y asina su trayectoria a cuminsa. El a participa na casi tur competencia di Paso Fino desde e edad jong. E tabatin hopi bon resultado, unda cu e tin medaya di brons, 3 oro sigui den mundial. Melanie Wever gusta haci e competencia di Paso Fino.

 

Tur aña na Miami tin e competencia di Spectrum Internacional, pero e calidad di cabay a subi pero tambe den e montadonan. Un biaha mas esaki ta un reto nobo pa Melanie Wever y e biaha aki el a competi 10 biaha durante 4 dia.

 

Igor Kock ta train Melanie Wever aki na Aruba, pero e tata y primo di e hoben tambe ta train e. Tambe nan tin persona di Puerto Rico, pero tambe di Colombia y momento cu nan biaha e personanan aki ta yuda nan pa coach den exterior. “Nos ta bay mira si nos por logra bay 1 mas e aña aki, sino otro cu ta mundial”, Myron Wever a remarca.