Home Uncategorized Minister di Enseñansa , Michelle Hooyboer-Winklaar Conferencia “Practitioner Based Research” ta e...

Minister di Enseñansa , Michelle Hooyboer-Winklaar Conferencia “Practitioner Based Research” ta e continuacion di inversion den profesionalisering di nos educadornan

SHARE
????????????????????????????????????

Asina aki ta haya feedback y por haya datonan valioso pa tuma decisionnan den enseñansa

 

ORANJESTAD, Aruba: E aña aki a tuma luga e seminario di “Transforming Teachers and Community for the XXI C through Practitioner Based Research” cu a dura 3 dia. Instituto Pedagogico Arubano hunto cu Ministerio di Enseñansa a organisa e seminario aki, unda cu tabata tin presente oradornan local y internacional. E seminario aki ta uno sumamente importante pa enseñansa, Minister di Enseñansa, Michelle Hooyboer-Winklaar a expresa.

 

E Practitioner Based Research ta un tipo di investigacion cu educadornan di Aruba mes por haci na un manera cu no ta un trabou durante cada dia den klas, sino e ta simplemente acercamento den enseñansa. E 3 dia aki a dedica na splica precies kico e ta, kico lo por saca afo di dje, e importancia di dje y con facil esaki ta pa aplica. Pero tambe na mesun momento e cambio grandi cu e por haci sigur pa maestronan pa por haya e feedback y pa asina Ministerio di Enseñansa por haya e datonan cu ta asina valioso cu nan por tuma decisionnan den enseñansa.

 

“Hopi biaha nos ta papia ariba nos pensamento den enseñansa, pero e no ta a base di kisas cifranan of a base di investigacionnan haci”, Minister Hooyboer-Winklaar a remarca. Loke esaki ta haci ta cu e ta yuda cada maestro cu e hermentnan necesario pa por saca afo hopi simpel cosnan cu ta pasando den klas cu por yuda adapta unda mester. Yuda kisas un otro pensamento, un otro acercamento. Hopi pais rond mundo ta aplica e metodo aki. Pe seminario aki nan a haya diferente persona cu experticio cu tin esaki na Hulanda, Canada, entre otro paisnan.

 

E expertonan aki a splica precies kico esaki ta y con nan ta aplica e metodo na nan pais y investigacionnan haci cu e diferencia cu esaki por tin pe educadonan di Aruba pero tambe pe exito di e studiantenan. E siman aki e ta uno hopi valioso y Ministerio di Enseñansa ta contento di conta cu colaboracion di IPA pa esaki. “Nos ta mira cu IPA su rol den enseñansa no ta solamente forma maestronan na comienso di nan carera, pero continuamente desaroya e parti di profesional, e parti di adapta cu ta asina importante pa nos den enseñansa”, Minister Hooyboer-Winklaar a remarca

 

Den e ultimo 3 aña y mey Ministerio di Enseñansa a organisa mas cu 26 curso, tayer, conferencia pa educadornan. Ministerio di Enseñansa ta mira e creencia cu esaki ta atrobe pe desaroyo cu tin den enseñansa. Mehoracion den enseñansa ta algo continuo, cu enfoke riba e aspecto di desaroyo profesional (profesionalisering) pa maestronan pa asina den pasonan chikito yega na e mehoracion desea. “E conferencia Practioner Based Research ta netamente e continuacion den e ultimo casi 4 aña di inversion cu a tuma luga pa sigui desaroya nos educadornan.” Minister Hooyboer-Winklaar a finalisa.