Home Uncategorized MEP A ASISTI NA CONFERENCIA DI DECOLONISACION DI COPPPAL

MEP A ASISTI NA CONFERENCIA DI DECOLONISACION DI COPPPAL

SHARE

ST MAARTEN — Un delegacion di partido MEP consistiendo di lider di MEP Evelyn Wever-Croes y Setty Christiaans-Yarazagaray a asisti na e conferencia di COPPPAL di decolonisacion.

COPPPAL ta e conferencia permanente di partidonan politico di America Latina y Caribe, di cual MEP ta miembro y ta atende temanan di interes general pa e miembronan.

 

En bista cu colonisacion ta un problema serio ainda den America Latina, COPPPAL ta pone hopi enfasis riba e topico aki.

 

“Nos a scucha e caso di Boneiro y Sint Eustatius y nos a keda hopi impresiona y conmovi. Casi no ta keda nada mas di e Boneiro no Sint Eustatius di antes. Hulandesnan a tuma over completamente y ta impone nan norma y balornan.

Esaki ta trese e riesgo di extinsion di e pueblo di Boneiro y Sint Eustatius.

Curacao y Sint Maarten tambe a comparti e preocupacion cu nan tin pa cu e leynan di consensus y supervision imponi.

 

Contrario na e paisnan aki den cual autonomia ta wordo kita di nan, e diferencia cu Aruba ta cu Aruba tin un gobierno cu su mes ta entrega nos autonomia.

Nos a perde nos autonomoa financiero na Aruba debi na mal maneho financiero di Gabinete Mike Eman y awor nos ta core riesgo di perde mas autonomia debi na tanto corupcion den e gobierno y pasobra gobierno no kier carga su responsabilidad.

 

Mi a trece esey padilanti y e participantenan na e Conferencia realmente no por compronde un gobierno cu un mentalidad asina.

 

Locual a resalta di e diferente presentacionnan ta cu entre otro e ley di CAFT no solamente ta contra nos Constitucion, pero tambe contra e tratado y areglonan di Nacionnan Uni.

 

Mi ta contento cu nos a participa y por a scucha pa nos mes con e pueblo di Boneiro y Sint Eustatius ta sufri den e status nobo cu nan tin desde 10-10-10”, lider di MEP Evelyn Wever-Croes a duna di conoce.