Home Uncategorized Empleadonan di MetaCorp Ta importante pa haci chekeo di salud pa tur...

Empleadonan di MetaCorp Ta importante pa haci chekeo di salud pa tur empleado

SHARE

ORANJESTAD, Aruba:MetaCorp a tene su chekeo di salud pa su empleadonan, unda cu nan tabatin e oportunidad pa check nan salud. Esaki ta tuma lugar 2 bes pa aña. Empleadonan di Metacorp ta haci bon uso di e oportunidad pa asina haci nan chekeo di salud y asina haya un update di con nan salud ta bayendo. Tin oportunidad pa check presion, sucu, cholestrol tambe por check nan bista y presion di wowo. E aña aki tabata e oportunidad pa haci chekeo di nan odio cual ta un test aditional cu a wordo agrega na e lista di testnan cu e empleadonan por haci.

E empleadonan di e companianan Atco Aruba, Atco Concrete, EcoTech, MetaCorp, Ecogas, Balashi, Tropical Bottling, The Cinemas y New York Laundry a participa na e evento di chekeo di salud y nan tabata sumamente contento cu nan tin e oportunidad di controla nan salud na pia di trabao. Tin empleado cu tin varios  aña haciendo e chekeo aki sigi, tambe tin empleadonan cu ta participa pa mas aña. Empleadonan ta sostene e iniciativa di MetaCorp cu nan programa di chekeo di salud y movecion.

Tin empleadonan ta sufri di un of otro malesa p.e. presion halto y mester monitor  esaki frecuente. P’esey ta importante pa organisa e accionnan aki. Haciendo e chekeo aki empleadonan ta haya sa si nan por tin algo y mester bay nan dokter di cas.

MetaCorp lo promove salud y movecion henter aña, na unda lo organisa diferente actividad pa e empleadonan. MetaCorp ta sigi promove salud y movecion door di organisa,  competencia di bowling, caminata, ciclismo y  tambe lo tin diferente seminario importante relaciona cu salud y movecion.

 

Un tiki di e historia di MetaCorp:

MetaCorp ta existi desde aña 1920 caba den negoshi di cine. Cu apertura di Lago a cuminsa cu E. De Veer Transport cu awendia yama ATCO cu despues a expande tambe den ATCO Concrete Products y Ecotech. Despues di segunda guera mundial a cumpra e planta di Coca Cola y asina a inicia Tropical Bottling, cu na caminda a expande tambe den Brouwerij Nacional Balashi.

MetaCorp ta e empresa comercial mas bieu na Aruba y pronto ta cumpli 100 aña. Cu un fundeshi solido, cu un cultura di compania basa riba principionan di inversionnan duradero y kere den empleadonan, MetaCorp awendia ta cla pa e siguiente 100 añanan di progreso, cu talentonan manera Eddie de Veer, Robert Carrasquero y Guus Slabbekoorn na cabes di e compania.