Home Uncategorized Colega ta dal otro colega, heridando e na su frenta

Colega ta dal otro colega, heridando e na su frenta

SHARE

Rumbastraat – Dialuna anochi laat den careda di 11:45 polis a bay e compania di seguridad Safecom, situa na Rumbastraat.
Informacion ricibi a bisa cu lo tin un empleado herida

Na yegada agentenan a wordo informa cu un otro empleado cu no tawata na e sitio e momento ey, lo a dal un colega cu un portofoon na su frenta.
E incidente lo no a pasa ariba tereno di trabou, pero den Klipstraat, na unda tin un car wash.

Ambulance a presenta na compania, pa atende e empleado cu tawata tin un herida serio na su frenta cu tawata sangra hopi. E empleado a wordo transporta pa hospitaal.

Algun minuut despues cu e polis y ambulance a bandona e sitio, e empleado cu a agredi e colega a subi tereno di e compania drenta su auto y bay di e sitio.
Polis lo a tira bista den area di Dakota, pero no a bin topa cu e auto of e persona.