Home Uncategorized Manifestacion conmovedor di Zinnia Croes, buscando husticia pa un angel den cielo

Manifestacion conmovedor di Zinnia Croes, buscando husticia pa un angel den cielo

SHARE

Oranjestad; Dialuna atardi pa  4’or y mey , un grupo di mas o menos 75 hende tur bisti na biña a tene un manifestacion pasivo saliendo for di cas di Gobernador pa Parlamento di Aruba, unda e mama di Zinnia a entrega un carta na Presidente di Parlamento Señora Mervin Wyatt Ras, despues a sigui pa Bestuurskantoor caminda tambe a entrega un carta den man di Minister Dowers, pero e biaha aki ela wordo entrega pa e tata di Zinnia.

Mayornan di Zinnia, na cabes di e marcha

Despues di dos aña cu e accidente tragico a sosode den cual e hobencita Zinnia Croesa perde su bida, a dicidi di tene un manifestacion pasivo y entrega un carta na e titular di husticia y tambe presidente di Parlamento.

E meta di e manifestacion y entrega di e carta ta pa demostra nan precupacion con henter e asunto aki a cana, cu sigur no tabata esun di mas professional y husto.

Na diferente manera a purba di haya atencion di autoridad pa e asunto aki, pero lastimamento no ta logra y recientemente durante un rueda di prensa, famia a boga pa Ministerio Publico duna e carta , unda ta pone e conclusion, di e caso pero te dia di awe, nada.

E manifestacion aki tabata a peticion di e mayornan, famia y amistadnan cu a pidi tur hende pa bin sostene e manifestacion pasivo aki.