Home Uncategorized Hoben deteni, sospechoso principal di a trapa e peaton na Casibari

Hoben deteni, sospechoso principal di a trapa e peaton na Casibari

SHARE

Nuñe – Paradera Dialuna marduga despues di busca pa algun rato autoridad ta bin detene e chauffeur sospecha di a reverse dal un peaton y pasa e auto ariba dje na Casibari.

Algo prome cu 12:45 di dialuna marduga polis ta yega e cas Nuñe 2G, caminda ta detene un hoben. E hoben aki ta e sospechoso principal den e caso di diadomingo anochi cu auto a pasa ariba un peaton y bay Nuñe  . Esey a sosode den careda di 10:16.

Na e cas nan ta haya e Toyota Yaris blanco glas getint, cu posiblemente a wordo usa pa dal e peaton y despues pasa ariba dje.

E hoben hulandes, cu tawata mustra bastante agita tawata papia yen cos for di sla.
Su mama y su tata mes pa loke por a wak a entrege na autoridad y cana hunto cune bay na e patruya, den e auto e tawata keda hasi fastioso, manera un persona cu lo por ta bou di efecto di un of otro droga.

Despues di e acto horibel, e hoben lo a yega e cas y hinke e auto te patras y segun nos por a compronde na e sitio e lo a labe, tratando asina ey di kita tur evidencia.

E hoben a wordo transporta pa warda di Santa Cruz y e auto a ser hiba door di takelwagen pa Balashi, caminda cu durante dia departamento tecnico di polis lo sigui cu nan investigacionnan.

Kiko a pasa na Casibari

Nos a busca informacion y loke nos a bin haya ta lo siguiente.
E victima tawata canando y dado momento e hoben aki na stuur di e Toyota Yaris lo a pasa coriendo na un manera irresponsabel.

Akinan ta caminda cu e peaton lo a grite algo, kizas core drechi of core poco poco. E hoben aki lo no a gusta loke ela tende y a stop e auto reverse dal e victima y pasa e auto ariba, te hasta lastrando e algun meter, pa despues bandona e sitio.