Home Uncategorized Faltando 2 wega di play-off 2016/2017 Dakota y Britannia a bay cu...

Faltando 2 wega di play-off 2016/2017 Dakota y Britannia a bay cu victoria importante den Division Honor

SHARE

ORANJESTAD, Aruba: E play-off di Division Honor a bira mas emocionante despues di e weganan di fin di siman. Falta 2 wega mas pa asina por bisa kendenan lo bay hunga e final di “Best out of 3”.  Diabierna anochi un biaha mas Britannia a topa Deportivo Nacional. Den 11 minuut di wega Britannia a bay ariba cu gol di Jonathan Ruiz, mientras cu na 20 minuut di wega Reiner Paraez a anota e di dos gol pa Britannia. E mita tempo a bay aden cu Britannia ganando. Den e di dos tempo na di 53 minuut di wega Roy Francis Albert di Deportivo Nacional a anota gol. E wega a continua fuerte pero na final Britannia a bay cu e victoria.

 

Diasabra anochi RCA a enfrenta Dakota den un wega unda Dakota mester a gana pa tin chens di avansa. Na di 25 minuut di wega Ricky Hodge a anota gol pa Dakota. E wega a continua fuerte unda cu RCA tabata busca e gol di empate pero no a logra esaki. E wega a termina 1-0 na fabor di SV Dakota.

 

E standing pa awo ta Britannia na prome luga cu 8 punto, Deportivo Nacional na di dos luga cu 7 punto, Dakota na di tres luga cu 7 punto y RCA na di cuater luga cu 6 punto.

 

Pa e dos weganan cu ta sigui, mester ta cla pa e ekiponan den final, cu un empate lo no yuda nan, pasobra awor ta gana so mester gana pa por sigura Bo posicion den e playoff final. Cada un derota lo por nifica cu e ekipo ta cay afo di e bataya pa bira campeon di e liga di Division Honor 2016/2017 di Arubaanse Voetbal Bond.

 

E weganan lo continua dia diahuebs awor dia 8 di Juni unda cu Britannia lo enfrenta RCA, mientras cu diabierna dia 9 di Juni Deportivo Nacional lo enfrenta Dakota. Yega stadion pa mira ken lo bay hunga den final di “Best out of 3”.