Home Uncategorized A bishita 28 negoshi pariba di brug A cera varios restaurant pa...

A bishita 28 negoshi pariba di brug A cera varios restaurant pa falta di cumplimento cu higiena

SHARE

ORANJESTAD, Aruba: Riba diamars 30 di Mei y riba diahuebs 1 di Juni ultimo a tuma luga un accion riba varios restaurant y “take away’s” den area pariba di brug. Diamars 30 di Mei entre 9:00am y 9:00pm a tene e accion, mientras cu dia 1 di Juni a tene e accion entre 4:00pm y 11:00pm. E accion a conta cu representacion di DOW, Brandweer, Seccion di enfermedadnan contagioso y Departamento di Salud Publico.

 

Durante e accion di diamars autoridadnan a cera algun luga pa motibo di no a cumpli cu e reglanan higiena. E luganan cu a laga cera tabata Grote Berg Snack, E.M. Snack, Juana Morto Take Away, Asian Sranang, Big Happy, Aki Sushi y Tio Pepe. Tabatin casonan mas serio, manera Jona’s Best snack y White Star Grocery cual a cera te cu proximo aviso.

 

Riba e control di establecimento riba diahuebs un biaha mas autoridadnan a cera algun luga pa motibo di no a cumpli cu e reglanan di higiena. E luganan cu a keda cera tabata Rising Dragon, Charm Jam Jerk House, Peng Hu, Palmita Fortune House y J.R. Restaurant. Di acuerdo cu e rapport di e autoridadnan, despues di un control di nobo, e restaurantnan por a habri nan porta bek, cu excepcion di Wing Wag na Savaneta.

 

E departamentonan cu a participa den e accion riba e dos dianan aki a bishita un total di 28 negoshi den HORECA, den e districto di Savaneta y pariba di brug.