Home Uncategorized Atraco number #50: Homber di edad atraca y maltrata na Macuarima

Atraco number #50: Homber di edad atraca y maltrata na Macuarima

SHARE

Macuarima: Dialuna pa mas o menos 10 ‘or y mey di mainta, un meneer di edad ta bira victima di atraco na altura di Macuarima 152. Mesora a manda varios unidad di polis na e sitio.

E victima a bay na Warda di Polis di Santa Cruz, pa duna su declaracion, segun e victima ta trata di dos persona di habla spaño kende a atrak’e, nan tabata arma cu un arma di candela y tambe un cuchiu.

Despues cu e dos atracadornan a maltrata e victima nan a bandona e sitio den un auto chikito blanco, number y marca no ta conoci, segun e victima e dos atracadornan a bay cu un suma di más o menos 10 mil dollar.

Ambulance a presenta na warda di polis di Santa Cruz y despues di a trata e victima, a transport’e pa Hospital.  E atraco brutal aki ta den man di atraco team y ta wordo registra como e di 50 atraco arma riba e lista di Arubanative.com di 2017