Home Uncategorized MEP A BISHITA MAS DI 1000 CAS DEN PARADERA!

MEP A BISHITA MAS DI 1000 CAS DEN PARADERA!

SHARE
PARADERA — Partido MEP cada biaha ta sorprende Aruba cu e forma di hiba campaña. E union cu ta resalta di e partido, ta impactante. Candidatonan un cu otro, campañadornan un cu otro, directivanan di districto hunto cu otro, ta demostrando un forsa inmenso.
Tur esaki ta danki na e vision y determinacion di lider di MEP Evelyn Wever-Croes, hunto cu esfuerso di cada candidato y campañador. Fin di siman partido MEP tabata den Paradera, y mester bisa cu a hasi Paradera geel geel. Banderanan a bai halto den diferente bario, y esaki ta sin cu e materialnan di campaña a yega ainda. E grupo a aglomera na Paradera 10or di mainta, y un rato despues un caravana di e candidatonan a yega na e sitio, hunto cu campañadornan.
Manera ta custumber, a sigi un sesion di instruccion di lider di MEP, y prome cu e grupo sali semper ta hasi un oracion. Candidatonan a keda den e bario di Paradera te oranan laat di anochi, talves poco cansa, pero si hopi satisfecho cu a logra e meta di bishita riba 1000 cas, di cual e gran mayoria ta MEP.
 
PARADERA CLA P’E CAMBIO
Encuestanan ta mustra cu partido MEP ta e partido mas grandi na Aruba aworaki, y den Paradera esaki a wordo confirma un biaha mas. E pueblo di Paradera tambe ta pidi pa e cambio. Ta basta cu atencion solamente pa loke ta exterior, loke ta embeyesemento, loke ta estetica. E ser humano a wordo neglisha. Awor ta momento pa e cambio pa pone e ser humano central un biaha mas, pasobra ningun pais na mundo por desaroya cu enfasis solamente riba loke ta estetica. Mester trese un balansa bek entre inversionnan den infrastructura, y e ser humano, di cual mas enfasis mester wordo poni na e ser humano.
Na cuido di salud y enseñansa, pasobra sin e dosnan aki bo no tin nada. Na e siguridad di  ser humano, y e calidad di bida di e ser humano. Esey ta e mensahe di MEP, y por a nota cu Paradera a gusta e mensahe aki y ta sostene e cambio sin miedo. Paradera hunto cu MEP cla p’e cambio.