Home Uncategorized Chauffeur burachi ta bolter cu Jeep na Brazil

Chauffeur burachi ta bolter cu Jeep na Brazil

SHARE

Brazil – Diadomingo marduga pa mas o menos 12:30 patruya di San Nicolas ta topa cu un Jeep Wrangler, ariba crusada di Brazil cu caminda grandi.

Polisnan mes ora a baha y a constata cu e Jeep aki lo a caba di bolter y ta cay bek ariba su wielnan. No tawata tin niun persona herida. Pero si polis a manda pidi pa transportwagen, paso e chauffeur tawata bou influencia.

Na yegada di transport e la wordo hinca den e auto y transporta pa warda di San Nicolas. Takelwagen mester a presenta despues pa kita e auto for di caminda.