Home Uncategorized 644 Kilo di cocaina destina pa Aruba Bonaire y Curaçao, confisca na...

644 Kilo di cocaina destina pa Aruba Bonaire y Curaçao, confisca na Yaracal Estado Falcon Venezuela

SHARE

Diabierna ultimo narcotrafico a haya un golpi duro momento cu e departamentonan di seguridad di Estado Falcon, a logra confisca 644 kilo di cocaina.

Asina e comandante di e Zona de Defensa Integral Operativa de Falcon, vice almirante Víctor Prieto Sangronis a declara. Cuerponan cu a participa na e operativo aki ta
Policía Nacional Bolivariana hunto cu Polifalcón y tambe cu apoyo técnico di Guardia Nacional Bolivariana y Cicpc.

Esaki a tuma luga den parti oost di Estado Falcon, pa ta exacto den e ciudad di Yaracal. Autoridad a sigui esnan envolvi y den a area di Sanare, municipio di Monseñor Iturriza, a logra detene dos persona. Asina e Vice Almirante a bisa. Tres auto tambe a keda confisca. Na e sitio tawata tin un otro grupo mas, pero nan a logra huy momento cu nan a nota presencia di polis.

“Nos por bisa cu entrene e vehiculo nan a haya 29 saco, cu tawata contene 1201 bloki di cocaina . Esaki sigur ta un golpi hopi duro pa e Cartel di Estado Falcon”.

Imagen di e blokinan di droga haya den e Toyota SUVnan

Loke ta investigando actualmente ta e lint (bandera di colombia) cu a haya na e blokinan, ta asumi cu nan ta procedente di Colombia.

E destino, manera semper nos sa, di mes un forma nos ta pensa cu e droga ta wordo hiba na e liña di e costa (Estado Falcon) pa di eynan wordo extraí pa Curaçao Aruba y Bonaire y despues cu e posibilidad di wordo manda pa Estados Unidos y Europa.

”Aki ta caminda cu nos mester para keto un rato y analisa algo.
Autoridad Venezolano ta hit un cargacion miyonario di cocaina, cu tawata destina pa sali rumbo pa e islanan ABC.
E diabierna ultimo nan tawata tin suerte cu a logra sigui y intercepta e cargacion grandi aki, nos pregunta ta cuanto di e cargacionnan aki a sali caba y si a yega e islanan” ?

Pues droga ta keda drenta via nos costanan y cu e posibilidad grandi cu x cantidad ta sali bek pa Estados Unidos y Europa.
Lamentablemente mester bisa cu hopi tempo no a scucha mas cu  bajo mundo aki na Aruba a haya golpinan duro asina.