Home Uncategorized Dos persona herida den accidente frontal na Catiri

Dos persona herida den accidente frontal na Catiri

SHARE

Catiri – Diasabra atardi den careda di 5:45 polis ta notificacion di un accidente cu hende herida, na altura di Eumar lock.
Na yegada di prome patruya ta pidi pa ambulance, door cu tin 2 persona herida di cual un di nan tin dolor na pecho.

Dos ambulance a cuminsa dirigi nan mes pa sitio.

E accidente mes a sosode momento cu e Geo Tracker biniendo di pariba di e crusada pa un of otro motibo no a brake y a subi caminda. E dama na stuur di e Chevrolet Aveo cu tawata yegando e crusada bayendo zuid no a spera cu e auto ta yega subi su dilanti.

Aki ta caminda e Geo Tracker door di e tuma un bocht grandi na su man drechi ta dal frontal contra e Chevrolet, causando cu e dama y e chauffeur di e Geo Tracker ta resulta herida.
Por bisa cu e dama a haya sla na pecho y por a wak cu e chauffeur di e Jeep a dal su cabes contra e windshield.

Mala suerte
E Geo Tracker a caba di wordo cumpra cerca ey bandanan mes y tawata tin un recibo tambe di esey. Polis a pidi pa takelwagen pa hiba e auto Balashi, mirando cu no tin su papelnan na ordo pa ta ariba caminda.

Ambos chauffeur a wordo hiba cu ambulance pa hospitaal, door di e dos ambulancenan cu a yega na e sitio.