Home Uncategorized Un detencion na Sero Biento, despues cu a scucha tiro den un...

Un detencion na Sero Biento, despues cu a scucha tiro den un cas

SHARE

Sero Biento – Diabierna merdia algo prome cu 3’or y mey polis ta wordo notifica cu lo a scucha un tiro den un cas na Seroe Biento. Un rato despues un homber lo a core sali spanta y bay para banda di caminda.

Problema tawata cu a bin un confusion grandi, relaciona cu e adres cu cada biaha tawata cambia.
Na final a bin haya e cas caminda e incidente a tuma luga. Na e sitio un agente policial lo tawata tin e persona cu a core sali wanta.

Na yegada di varios patruya cos tawata calmo y e persona cu nan tawata tin wanta mes ora a wordo transporta pa warda di polis.

Kiko a sosode exactamente no ta mucha cla. Presencia di departamento tecnico di polis a wordo pidi na e adres.