Home Uncategorized Parlamentario mr. Juan E. Thijsen (MEP): Mike Eman a faya cu e...

Parlamentario mr. Juan E. Thijsen (MEP): Mike Eman a faya cu e oilspill desde principio.

SHARE

Segun Parlamentario mr. Juan E. Thijsen Aruba ta pasando den un momento dificil pa cu nos medio ambiente. Un oilspill cu a origina fuera di nos territorio y mas di un luna pasa ta causando danjonan na nos medio ambiente. Gobierno di Aruba bao liderasgo di Prome Ministro Mike Eman no a tuma e problema na serio originalmente y awe nos ta mira cu e Aruba no ta prepara pa e tipo di accidentnan ambiental di e magnitud aki. Segun Parlamentario mr. Juan E. Thijsen ta bin acerca cu Mike Eman a faya cu e oilspill desde principio y pio ainda Gobierno durante e proceso andando ta haci fayo riba fayo.

  1. E problema a origina na Trinidad and Tobago diadomingo 23 di april 2017. “STATE OWNED Petrotrin has established a team to investigate the cause of the oil spill where hundreds of barrels of black crude flowed into the Gulf of Paria from a leak at the Pointe-a-Pierre refinery which occurred on Sunday. Petrotrin confirmed that 300 barrels of bunker fuel have entered into the Gulf of Paria after an oil fuel storage tank at Petrotrin’s bond facility ruptured”.
  2. Aki Gobierno di Aruba conhunto cu Gobierno di Reino di biaha mester a pone Trinidad and Tobago y e compania Petrotrin responsabel pa cualkier danjo pa cu medio ambiente di Aruba. Na es manera aki bo ta pone precion riba Trinidad y Tobago pa e haci su esfuerzo pa e oilspill no yega Aruba. Ta nan a haci danjo y ta nan mester corehi. “A release stated that the while the leaked hydrocarbon material has been following a westerly trajectory, Petrotrin is cognizant of the fact that changes in tidal conditions may result in some impacting the southern shorelines. As a result, precautionary measures are being undertaken”. Trinidad and Tobago a preocupa pa su medio ambiente na prome lugar. Gobierno di Trinidad a tuma medida pero a resulta no suficiente. E oilspill a yega Aruba. No tabata tin contacto gubernamental ni di pais Aruba ni di Reino Hulandes pa cu e responsabilacion.
  3. Ta resalta cu Trinidad and Tobago si a traha cu Venezuela na nivel gubernamental. “It said that through diplomatic channels, the Ministry has alerted the Venezuelan authorities.The MEEI initiated the activation of the T&T/ Venezuela Bilateral Oil Spill Plan via diplomatic channels through the Ministry of Foreign and CARICOM Affairs and at the operational level with officials of Petróleos de Venezuela, S.A. (PDVSA). The MEEI said that it will continue to communicate with the Venezuelan authorities and stated owned Petrotrin”.
  4. Segun Parlamentario mr. Juan E. Thijsen a pasa un luna sin cu Aruba a tuma accion y ta te na 29 di mei cu bao precion di social media gobierno a pone tur instancianan hunto pa ataca e problema di oilspill cu a toca suelo di Aruba. E monitoring via avion a fracasa y no a duna ningun indicacion cu tabata tin oilspill na caminda pa Aruba.
  5. Gobierno a hinca su mes den e clean up di e oilspill y Mike Eman mes despues di a bisa cu e oilspill ta hopi peligroso ta aparece ta pasa halado sin handschoen y sin boots special.

Ta resalta cu Director di DOW a bin declara cu e oilspill den su viahe pa Aruba a perde veneno. Esaki sin ningun prueba di laboratorio. Es mas gobierno ta yamando voluntarionan sin experiencia bin yuda. Parlamentario mr. Juan E. Thijsen ta compronde cu esaki no ta aconsehabel. ” No ta un “natural desaster” manera earthquake of mal tempo! Esaki ta industrial desaster pa cual tin acuerdonan internacional pa cada pais tin un plan van aanpak, budget, y materiaal, y trainingen regularmente”.

  1. Parlamentario mr. Juan E. Thijsen ta constata cu e limpiesa ta concentra riba e superficie riba tera y ta keda e pregunta ki ora lo atende cu e situacion den awa rond nos isla. Den caso di e BP oilspill na Golfo di Mexico nos por a wak hopi danjo den lama. ” Far offshore and a mile deep in the dark world below the Gulf of Mexico’s gleaming surface, the catastrophic BP oil spill of 2010 did untold damage on the ocean floor.”

7.Parlamentario mr. Juan E. Thijsen tin comprondi cu gobierno si ta pensa di pone Trinidad and Tobago despues responsabel. Segun Prome Ministro Mike Eman pa cu esaki ta colecta tur facturanan di gastonan. Parlamentario mr. Juan E. Thijsen ta kere cu un trabao di responsabilisacion ta bai hopi mas cu colecta facturanan y ta encera investigacion profundo di consecuencia multiple na nos medio ambiente.

  1. Parlamentario mr. Juan E. Thijsen ta urgi gobierno pa tuma un conducta mas profesional den e asunto y alavez tuma pasonan pa e salud di hende no worde poni na peliger. Parlamentario mr. Juan E. Thijsen ta pidi pueblo pa ta alerta den e caso aki.