Home Uncategorized Evelyn Wever-Croes: “AVP ta traha ley di integridad pa acomoda nan Minister...

Evelyn Wever-Croes: “AVP ta traha ley di integridad pa acomoda nan Minister di Labor cu ta sospechoso”

SHARE

ORANJESTAD — Parlamento a trata e ley di iniciativa di AVP tocante integridad. Un ley cu Fraccion di MEP tabata sigur inclina pa sostene te ora cu Marlon Sneek a bin cu un cambio pa asina acomoda e Minister di Labor di AVP. Lider di MEP, sra Evelyn Wever-Croes ta splica e motibo pa cua nan no a bay di acuerdo cu e ley aki.

“Tanto na Corsow como otro caminda den Reino, na momento cu un minister ta sospechoso di un delito serio, e mester tuma su retiro. Na Aruba e mayoria den comunidad tambe ta di e opinion ey.

Pero AVP a bin cu un areglo den e ley aki, pa na Aruba nos desvia di esaki. Y esaki solamente pa acomoda e Minister di Labor di AVP cu awor ta sospechoso di corupcion.

Esey ta e motibo cu nos no por a bay di acuerdo cu e ley aki.
E cambio aki di e ley ta un contradiccion pasobra e ley ta basa riba casonan di corupcion, pero ora e minister ta un sospechoso, e por keda cu vacacion cu pago pa un tempo indefini.
Pueblo lo mester warda te ora MEP drenta den gobierno, pa realmente nos mira leynan di integridad.

Nos ta politiconan cu ta bisa loke nos ta haci y haci loke nos ta bisa. Awe nos a mira cu AVP ta bisa un cos, pero ta haci otro cos” lider di MEP Evelyn Wever-Croes a duna di conoce.