Home Uncategorized Dama herida den accidente ariba Sasaki, despues cu auto a bolter

Dama herida den accidente ariba Sasaki, despues cu auto a bolter

SHARE

Sasaki – Diahuebs anochi algo prome cu 10’or y mey un accidente serio ta sosode ariba Sasaki.
Informacion a drenta cu pazuid di ex house of Cheng un auto a bolter.

Cerca di e sitio caminda e incidente a tuma luga tawata tin un patruya y na su yegada ta pidi ambulance cu urgencia.
Segun nos a compronde, den e impacto e auto lo a saca e ocupante, indicando cu e no tawata tin seatbelt bisti.

Na e sitio por a tende cu probablemente un auto lo a cera brake, caminda e chauffeur lo a bay maniobra aparentemente pa no dal y ta perde control kibrando un palo di luz pa despues bay bolter.

Ambulance cu a yega basta lihe a transporta e dama pa hospitaal, cu tawata keha di basta dolor.