Home Uncategorized AVP : “Voz di Voluntario a resona fuerte mustrando cu Aruba ta...

AVP : “Voz di Voluntario a resona fuerte mustrando cu Aruba ta Berde, e ta!”

SHARE

ORANJESTAD – “Un simpel invitacion, un simpel mensahe a trece boso aki awe nochi. Cla pa traha y cla pa yuda pa asina nos yega dia 22 di september y bolbe haci historia logrando 15 asiento. Y pa su diadomingo despues, nos cor’e parada di victoria!” Asina lider di partido AVP, Mike Eman, a cuminsa na bisa un cantidad grandi di amigo y sostenedornan di Partido di Pueblo Arubano, den un ‘Renaissance Convention Center’ totalmente yena, diahuebs anochi, asistiendo na e evento, ‘Voz di Voluntario’.

Candidato y organisadonan a ricibi un cantidad enorme di persona cu a bin pa registra como boluntario pa campaña electoral 2017. Despues di palabra di varios figura prominente den e partido berde, lider Mike Eman, a sa di encurasha y motiva un y tur: ‘Un partido Social Cristian ta stima tur hende, ta stima su prohimo y p’esey AVP ta traha pa absolutamente tur hende na Aruba. Nos ta stima boso, boso ta stima nos y nos tur ta stima e pais aki. Saca bo bandera, bisti bo flanel, mustra bo sticker paso ta Berd’e ta!’