Home Uncategorized Archivo di Aruba Native ta conta un total di 49 Atraco

Archivo di Aruba Native ta conta un total di 49 Atraco

SHARE

Aruba Native a compila e siguiente informacion for di su archivo pa asina trece un bista general riba e atraconan (incuyendo asalto) cu a tuma lugar den e prome 5 luna di 2017. Mester nota cu e data ta inclui ambos atraco dirigi riba un individuo (p.e. riba un persona den su cas) como cu compania (p.e. riba un supermercado).

E data aki ta locual cu Arubanative.com a cubri y publica como noticia, pues e cifranan total por ta un poco mas. Den e tabel por mira cu tawata tin un total di 49 atraco na diferente districto di Aruba. E informacion compila for di nos archivo ta indica cu un gran parti di e atraconan aki ta atraco cu arma di candela. Mester nota si un desaroyo positivo, cual ta cu Cuerpo Policial Aruba a detene 35 sospechoso di ladronicia den e prome kwartaal di aña 2017 (Aki por lesa e relato oficial).

Ta keda na investigacion y un caso hudicial pa encarcela esnan culpabel di e actonan aki. Den e tabel abou por mira informacion cu Aruba Native a compila. Pa haci e conteo aki uno transparente, a scohe pa inclui e link pa cada un di e susedidonan aki. (Aki por consulta e fuente di informacion)