Home Uncategorized Studiantenan a demostra creatividad y abilidadnan tecnico na un nivel halto

Studiantenan a demostra creatividad y abilidadnan tecnico na un nivel halto

SHARE

ORANJESTAD, Aruba – Na EPI Ciencia y Tecnologia a tuma luga un Science Fair cu ta duna studiantenan e oportunidad pa demostra nan conocemento tecnico. E proyecto aki ta forma parti di e puntonan pa e studiantenan y alabes ta duna nan e oportunidad pa eherce nan creatividad y innovacion.

Studiantenan a demostra nan abilidadnan y creatividad poniendo tur loke nan a siña durante e aña “Come to Life”, Minister di Enseñansa y Famia, Michelle Hooyboer-Winklaar a expresa.

Loke mi a mira durante e evento aki a impresiona mi y mi ta convenci cu e ta na un nivel hopi halto, cu asta productonan cu por wordo comercialisa.” Minister a splica.

E studiantenan ta mustra loke nan a siña pero na mes momento nan ta realisando loke nan a siña por wordo aplica den algo cu comercialmente ta factibel. E tabata un exito rotundo y Minister Hooyboer-Winklaar tabata contento di mira hopi studiante entusiasma pe parti tecnica y na otro banda e presencia di studiantenan femenino, cu a demostra cu nan no ta kedando atras.