Home Uncategorized Rotaract Club of Aruba ta presenta You Inc Seminar: Bin haya...

Rotaract Club of Aruba ta presenta You Inc Seminar: Bin haya sa con abo por “Speak up, step up, and shape up the planet!”

SHARE

Diasabra awor, abo lo tin e oportunidad pa haya sa con abo por uza bo “super powers” pa abo por identifica unda bo por “step up” y juda “shape up” e mundo. Hopi biaha, nos ta pensa cu ta solamente un heroe por hasi un differencia den nos mundo, pero hopi biaha ta simplemente un humano, cu a logra “tap” den su forsa nan interno,ta logra hasi differencia grandi. Manera, “Mother theresa”, cu a bin di un cas hopi humilde a logra trece pas y amor den lugarnan cu hopi pobreza y guera.  Ta asina cu nos tur por ta un heroe, e problema ta cu den nos bida diario yena cu actividad nan nos no ta haya tempo pa logra “tap” den e “inner strenghths” nan aki, tampoco nos no sa con.

Bin tende diasabra awo, 3 di juni, durante e You Inc. Seminar na Hyatt Regency Ballroom con abo por discubri bo super powers. E mainta lo cuminsa cu un “Shake up” panel di Aruba Tourism Authority dirigi pa Rosabelle Illes. Despues lo sigui Nathaly Cabrera, cu ta un personal coach renobra riba nos isla, ta bai guiabo con o lo por transforma bo temornan cu ta strobabo di logra bo meta den algo positivo y productivo. Alabes, Nathaly lo elabora un tiki mas riba kiko tur ta stop nos di discubri loke ta nos “hidden powers.”

Pa culmina e mainta energetico aki, Michelle Villalobos lo guia e publico con pa ta nan mesun super heroe. Thema di Michelle su talk lo ta “Awaken your inner superstar- speak up, step up, shape up.” Michelle lo ta compartiendo kiko ta e mindset shift cu bo tin cu haci pa “step up, take charge and getting ahead.”

Participandornan na e You Inc. seminar lo ricibi tip valioso cu lo por wordo aplica den nan bida personal of profesional. Nos tur tin super powers scondi cu sigur lo wordo discubri durante e mainta placentero aki yena cu energia positvo.

You Inc. seminar- Be your own hero lo ta dia 3 di juni na Hyatt Regency. Registracion lo start 8:00 AM y e seminario lo ta di 8:30 AM pa 1:30 PM. Si bo tambe kier bin siña con pa discubri bo super powers, e ora pasa check bo ticket serca un di nos miembronan, Nature Discount Sero Blanco of na Colab na Dakota. Por tuma contacto cu nos tambe via: president@rotaractaruba.com of na: 594-8878. Por bishita nos Facebook page Rotaract Club Aruba tambe pa mas informacion y keda na altura di tur informacion di You Inc. Ticket general ta bai na un balor di Afl. 100,- y pa studiante Afl 45,-, esaki ta inclui un lunch box.