Home Uncategorized Prome Minister Mike Eman: “Aruba tin suficiente ekipo di proteccion pa trahado...

Prome Minister Mike Eman: “Aruba tin suficiente ekipo di proteccion pa trahado y boluntario”

SHARE

ORANJESTAD – Durante e conferencia di prensa extraordinario cu Gobierno di Aruba a ofrece dialuna atardi pa relata e ultimo desaroyonan rond di e ‘oil spill’, Prome Minister Mike Eman a probecha pa disculpa su mes di no a duna bon ehempel bistiendo proteccion prome cu a cuminsa haci beach limpi. Tambe a sigura cu Aruba ta conta cu e ekiponan necesario pa proteha tur trahado y boluntario cu ta desea di participa den e accionnan di limpiesa. ‘Aruba tin e tipo di coversalls cu por bisti pa proteha curpa, tin definitivamente gloves y si tin mester, masker!’

Premier Eman a splica cu den su emocion di dialuna mainta para na Boca Prins ta wak e sushi, e no por a evita di pasa man pa hark y cuminsa haci algo. ‘Ora bo mira e paisahenan bunita wordo menasa, mi mes no a duna bon ehempel y no a tuma e preocupacion necesario. No tabata e miho ehempel, pero tabata dor di e gana di yuda.’ Inicialmente Prome Minister Eman a bay na costa noord hunto cu DOW y Parke Nacional Arikok pa haci un sondeo di e situacion.

El a splica cu aunke nos sa cu hopi di nos hendenan ta custuma di haci trabou sin e proteccion aki, ta importante pa accentua cu no ta conoci ainda exactamente kico ta e composicion di e patches cu ta yegando na beach. Aunke e por mustra inofensivo, den futuro por mira un efecto di dje. Premier Eman: ‘Laga nos tur mañan bisti handschoen pa haci e trabou cu amor y dedicacion pa haci un diferencia, pero toch cuidando salud di un y tur cu ta haci e trabou aki.’