Home Uncategorized Prome Minister Eman ta gradici ploegnan haciendo limpi

Prome Minister Eman ta gradici ploegnan haciendo limpi

SHARE

ORANJESTAD – Prome Minister Mike Eman a dedica un mencion special durante e conferencia di prensa cu a duna dialuna atardi. E ta dirigi na e ploegnan di Departamento di Obra Publico (DOW) y di Serlimar cu for di dialuna mainta y tur e dianan aki lo ta realisando trabounan di limpiesa na e beach di e diferente boca na costa noord. ‘Esaki ta un variacion di nan trabou y nos a mira cu nan ta haci’e cu hopi dedicacion y amor pa haci nos isla limpi,’ asina Premier Eman a expresa.

Minister President a splica cu tin ploegnan trahando hunto cu Park Rangers di Parke Nacional Arikok na California, Boca Druif, Boca di Pos, Boca Chikito, Wariruri, Budui, Natural Bridge, Dos Playa, Boca Prins, Rincon y Boca Grandi. E trahadonan aki tey bou di solo for oranan di mainta te den ora di merdia y tambe atardi pa kita tur loke tabata subi tera y hal’e di un forma cu por kit’e for di e areanan aki y haci e limpiesa cu ta asina necesario.

Eman: “Un palabra di gradicimento na tur e ploegnan aki cu ta traha asina duro haciendo un tremendo trabou; un trabou cu park rangers ta atende cu ne normalmente, pero cu pa e ploegnan di Serlimar y DOW esaki ta un variacion di nan trabou y nos a mira cu nan tabata haci’e cu hopi dedicacion y amor pa haci nos isla limpi.” Gobierno di Aruba a indica cu DOW tin un capacidad total di 350 trahado disponibel pa yuda cu e trabou aki, pero ta bay yama solamente si e situacion ta haci esey necesario.