Home Uncategorized Partido POR ta insisti: Un persona mester por tin e opcion di...

Partido POR ta insisti: Un persona mester por tin e opcion di bay cu 60 aña cu pensioen

SHARE
Pueblo Orguyoso y Respeta (POR) ta para pa flexibilisa edad di pensioen. POR kier brinda personanan cu a yega 60 aña y a traha duro y cu ta bisa cu nan no por yega edad di 65, cu nan por bin na remarca pa baha cu pensioen prome cu edad di 65. Por haya tur detaye den e Plan di Accion di POR riba forsanobo.com

Locual e ta encera Segun locual cu POR tga indica den nan Plan di Accion, tin para claramente cu lo introduci flexibilidad den e sistema di pensioen di AOV pa duna e ciudadano cu tin por lo menos 60 aña di edad e opcion pa e por, si e ta desea: Baha cu pensioen prome cu e cumpli 65 aña cobrando un pensioen un poco reduci.

Segun lider di e partido Otmar Oduber ta splica, e intencion ta pa duna e pensionado un opcion cu a base di e tipo di trabou cu el a eherce, cu e tin e opcion pa bay cu pensioen mas trempan. Tambe lo tin e opcion pa un personan traha part time te cu 65 aña cobrando un pensioen un poco reduci banda di su salario (“deeltijdpensioen”).

Locual ta e enfoke central pa POR ta e bienestar di e persona y cu no ta perhudica e fondo di pensioen, ni di APFA y ni di AOV cual ta e pensioen general di full Aruba.

Banda di flexibilisa edad di pensioen, POR ta enfoca riba e hecho cu e pensionado aworaki ta paga e “volle pond” di e “sociale lasten”. Nos di E Forsa Nobo ta haya cu esaki no ta husto y cu mester implementa un forma cu e peso completo no ta cay riba e pensionado, esey mester wordo discuti cu e diferente fondonan. Separacion di belasting cerca un pensionado tambe ta bira un otro punto di enfoke riba e programa di POR. Na momento cu bo ta un pensionado y cu bo tin un actividad/trabou adicional na bo pensioen, no por ta asina cu nan ta conta nan dos hunto y riba esey mester bolbe paga
belasting, pasobra ya a paga belasting riba bo parti di pensioen caba. Pues lo mester crea un sistema nobo caminda cu ta riba e entrada adicional so bo ta paga pensioen, sr. Otmar Oduber a splica.

A tuma nota di publicacion recientemente cu ta indica cu POR lo baha edad di pensioen cual ta incorecto. Locual tampoco no ta corecto ta, pa medionan di comunicacion of prensa hunga cu dolor di comunidad mientras cu nan tarea ta pa informa comunidad cu echonan.