Home Uncategorized Lansamento oficial di “Green Bike” na Aruba

Lansamento oficial di “Green Bike” na Aruba

SHARE

Awe Diaranson atardi Green Bike Aruba, a establece su mes oficialmente na Aruba. Hopi hende por a mira caba e diferente stacionnan di bicicleta rond di Aruba.

Green Bike ta un forma saludabel y sostenibel di transporte unda cu e bicicletanan lo ta disponibel pa comparti y ser uza den diferente area rond di isla.

Green Bike Aruba tin 8 stacion di servicio y 100 bicicleta rond di Aruba. E lugarnan cu por haya e stacion di bicicletanan aki ta:

  1. Paardenbaai plaza (otro banda di Aruba Ports Authority)
  2. Entre Costa linda resort y Alhambra casino (Low-rise hotel)
  3. Dilanti di La Cabana Beach Resort (Eagle beach)
  4. Dilanti di Barceló Resort (Palm Beach)
  5. Diagonal dilanti di Tony Romas dilanti di Paseo Herencia
  6. Banda di Moomba Beach
  7. Plaza Turismo (Linear park)
  8. Plaza Daniel Leo (Oranjestad)

Green Bike Aruba tin como meta pa ta un actividad pa relaha pero tambe un forma di  transporte pa turistanan y localnan rond di Aruba. E tipo di compania aki di bicicleta a demostra di ta exitoso na diferente cuidad rond mundo manera New York, San Francisco, Boston, Chicago, Guadalajara, Toronto, entre otronan. Green Bikes ta ofrece un manera dibertido y saludabel di keiro y explora lugarnan di interes rond

Playa y Noord.

Kiko ta haci Green Bike Aruba atractivo?

Esaki ta e futuro, como esun di mas responsabel, eficiente y e forma mas dibertido di move. Comparti  bicicleta ta plamando positivamente rond mundo. E ta un actividad gusta y unda cu e wordo introduci e ciudadanonan ta adopt’e. E bicicleta ta e  ultimo moda di transporte socialmente responsabel. Basicamente e ta funciona riba awa y alimento.

Beneficionan di Green Bike na Aruba

  1. E ta mehora e imagen di e pais. 

Bicicleta ta un opcion di transporte sostenibel, y un pais cu implementa un sistema de comparti bicicleta por fortalece su imagen como un pais berde of innovador.

  1. E ta reduci e congestionamento y mehora e calidad de aire.

Green Bike  ta ofrece un medio alternativa  di transporte pa  tripnan cortico  cu di otro forma lo a ser ehecuta pa un auto.

  1. E ta aumento accesibilidad

Cu  implementacion di un sistema de comparti bicicleta ta ofrece e usuarionan miho acceso na lugarnan cu normalmente lo ta fuera di nan alcanse na pia.

4 Mehora e imagen di Ciclismo

Green Bike Aruba ta proyecta una imagen moderno, ambiental y cu por yuda   transforma e cultura di ciclismo den un pais.

  1. E ta proporciona e servicio di transporte publico,

Green Bike Aruba ta ofrece una alternativa pa biahenan cortico cu normalmente mester a ser hasi via transito.

  1. E ta mehora e salud di e usuarionan

Green Bike Aruba ta ofrece un opcion di transporte activo, y como beneficionan pa salud fisico y mental.