Home Uncategorized Reaccion rapido di un persona, a evita cu homber a wordo electrocuta

Reaccion rapido di un persona, a evita cu homber a wordo electrocuta

SHARE

L.G.Smith Boulevard – Dialuna mainta algo prome cu 9:30 polis y ambulance a bay Marriott, na Stellaris Casino, caminda coriente a “dal” un persona.

Segun informacionnan cu nos a logra compila ta indica cu, un empleado di un compania (elektrotechniek) cu ta drecha coriente hunto cu un compañero lo a mester a bay drecha algo di un generator na e casino, door di e problema ariba diadomingo anochi caminda cu coriente tawata bay y bin.

Dado momento e lo bay a mishi dos waya y aki ta caminda cu cos a bay robes, cu e ta haya un 400 volt di coriente den su curpa.
Reaccion rapido di un persona a logra kite for di e wayanan, asina mes ela haya kemadua serio na su man drechi.

Ambulance a atende y a hibe hospitaal, recherche tambe a wordo avisa pa pasa na e sitio. Coriente ta algo delicado ora bo ta traha cune, semper sea cauteloso.