Home Uncategorized Riba ordo di Officier van Justitie, ta buska Minguel Schneiders, sospechoso di...

Riba ordo di Officier van Justitie, ta buska Minguel Schneiders, sospechoso di asesinato, su ruman homber ta cera pa e caso di asesinato di Lalo Webb

SHARE

Diadomingo den oranan di mainta Cuerpo policial di Aruba a manda un relato, den cual Officier van Justitie mr. C.D. Kardol ta  pidi cooperacion relaciona cu buskeda y detencion di e hoben, Erick Arturo Minguel Junior Schneiders, kende ta wordo yama “Minguel”.

E sospechoso Minguel Schneiders a nace na Aruba dia 29 di December di 1994, e tin dos adres unda e ta por ta bibando Meiveld 33 y of Piedra Plat 54-A. E sospechoso ta  un persona sumamente peligroso cu ta den posession di arma di candela.

Su detencion ta wordo rekeri riba sospecho di un delito den articulo 2:262 c.q. 2:259 van het Wetboek van Strafrecht van Aruba en art. 3 Vuurwapenverordening

Si un persona por sa di su paradero por fabor tuma contacto cu e Onderzoeksteam (TGO) 5975178 of 5975179, Divisie Algemene Recherche Noord.