Home Uncategorized Boksmento pa falta di dunamento di preferencia riba e crusada Weststraat cu...

Boksmento pa falta di dunamento di preferencia riba e crusada Weststraat cu Professor Lorentzstraat

SHARE

Oranjestad: Diadomingo den oranan di  marduga ta sosode un boksmento cu hopi daño material riba e crusada Weststraat cu Professor Lorentzstraat, mesora a pidi pa presencia di polis.

Na yegada nan ta bin topa cu un Ford S.U.V. cora y un Honda cora scur, ambos cu basta daño material. E Ford S.U.V. tabata bayendo riba Weststraat, direccion nort y no a duna preferencia na e Honda cu tabata biniendo di pabou riba Professor Lorentzstraat bayendo direccion pariba.

E impacto fuerte a pone cu e Honda a bay pega te riba na e muraya di e cura di cas bandi pariba. E daño material tabata hopi, pero niun persona a resulta herida.