Home Uncategorized Chaufeur ta hit and run un palo di lus, ela keda herida...

Chaufeur ta hit and run un palo di lus, ela keda herida pero asina mes cu un auto kibra ela yega su cas

SHARE

Bushiri/ Eagle: Diasabra den oranan di madruga polis ta bay na Schotlandstraat pa e chaufeur di un Hyundai Elantra blanco,  cu un rato prome lo a dal contra un palo di lus na Bushiri y a bay for di e sitio.

E auto a ricibi hopi daño material y e chaufeur lo tabata herida.  Asina mes ela sigui core cu su auto te yega aparentemente su cas, cu ta keda na altura di e post di ambulance den Schotlandstraat.

Na e cas ela pidi pa nan hibe hospital mirando cu e tabata herida, den e impacto fuerte ela dal su cabes den e windshield y tambe tabata tin mancha di sanger na e porta di auto.