Home Uncategorized Buskeda pa un auto cu un arma di candela den dje, a...

Buskeda pa un auto cu un arma di candela den dje, a resulta di ta un arma di hunga.

SHARE

Oranjestad, Aruba: Diahuebs atardi algo pasa di 5’or polis ta haya un melding cu na Sero Blanco Service Station nan lo a mira un su puesto arma di candela den un Honda Accord Shinishi y cu e auto aki a sali bay direccion di Vondellaan.

Mesora a manda pidi tur unidad di polis riba caya pa pone tino riba e auto aki, cu aparentemente lotabata tin 4 persona den dje. Algun minuut despues enberdad un patruya di polis a logra para e auto net pabou di e brug nobo den construccion.

Den e auto tabata tin mucha y hende grandi, a detene dos persona y despues cu nan a presenta dilanti Fiscal Auxiliar, mesora nan a wordo poni den libertad, mirando cu no ta trata di un arma di berdad pero un di hunga.