Home Uncategorized Proyecto Good4theNeighborhood di Aruba Bank Siñando muchanan haya habilidad den mundo di...

Proyecto Good4theNeighborhood di Aruba Bank Siñando muchanan haya habilidad den mundo di negoshi cu Building Entrepreneurs

SHARE

Oranjestad, ARUBA: Aruba Bank den cooperacion cu Global Shapers Oranjestad ta presenta un programa modernisa pa nos studiantenan. E programa ta un iniciativa educacional unda cu nos lo introduci e joven na e mundo di entrepreneurship y siña nan con pa cuminsa, bira doño, y maneha nan propio negoshi.

Aruba Bank lo brinda muchanan den tur bario cu kier participa durante di nan vakantie e oportunidad pa siña e habilidad den mundo di negoshi na nan nivel y sigui desaroya nan desde awor caba como parti di nos comunidad. Gerencia di Aruba Bank ta kere firmemente cu desaroyo di entrepreneurship ta vital pa un pais cu ta en busca di crecemento economico.

G4N Building Entrepreneurs lo ta un programa innovativo cu a wordo diseña cu dos (2) metodo den mente pa asina introduci e concepto di Entrepreneurship na e hoben nan den un manera hopi interactivo.

E metodonan cu lo wordo uza ta:

  1. Project based learning, cual kiermen cu e hoben nan no ta bay siña over di Entrepreneurship via di un buki pero a base di hopi ‘hands on’ learning.
  2. Model “first” then “do”, esaki kiermen cu mayoria di e topiconan cu e hoben nan lo bay experiencia ta den un forma di un introduccion di e concepto y despues aplica esaki di biaha.

E programa lo cuminsa den vakantie grandi dia 14 di juli y lo dura 3 siman caminda e hoben nan aki lo bay traha hunto den grupo. Lo tin varios profesional den e mundo di comercio cu lo bin comparti nan experiencia cu e hobennan. E programa ta basa riba e ‘Business Model Canvas’, un modelo hopi conoci.

Na final di e tres (3) siman di workshops e hoben nan lo ta lantando nan mesun negoshi den e forma di un ‘Pop-up Stand’ den caya grandi na Aruba Bank su plasa caminda nan lo presenta nan productonan na e publico completo di Aruba.

E concepto competitivo den e programa ta keda cu premionan hopi atractivo pa e hobennan. Inscripcion a habri awe pa tur hoben entre 13 cu 17 aña. E prome 50 hobennan cu registra ta participa.  Por bishita https://g4n.arubabank.com/ pa registra of mail g4n@arubabank.com pa mas informacion.