Home Uncategorized Parlamentario mr. Juan E. Thijsen (MEP): Hulanda ta hopi preocupa pa e...

Parlamentario mr. Juan E. Thijsen (MEP): Hulanda ta hopi preocupa pa e situacion di Venezuela pero pa su mesun interesnan na Venezuela.

SHARE

Parlamentario mr. Juan E. Thijsen ta sigui tambe di cerca e rol di Hulanda pa cu Aruba riba varios aspecto. Bo tin Hulanda como pais den Reino y bo tin Hulanda actuando den nomber di Reino Hulandes. Un di aspectonan aki ta e situacion na Venezuela. Hulanda ta preocupa pa e situacion na Venezuela cu cada dia ta bira pio. ” Het Koninkrijk moet ‘zeer alert’ blijven als het gaat om de situatie in buurland Venezuela. Dit zegt de Nederlandse minister van Buitenlandse Zaken Bert Koenders tegen de Arubaanse pers, na afloop van het jaarlijkse Koninkrijksoverleg Buitenlandse betrekkingen. Esaki tabata na februari y recien e Ministro demisionario Koenders a ripiti e preocupacion.

Segun Parlamentario mr. Juan E. Thijsen Hulanda ta hopi preocupa pa e situacion di Venezuela pero pa su mesun interes esta compromisonan y inversionan na Venezuela y no tanto e eventual invasion di Venezolanonan ilegal. Hulanda tin varios anja caba ta trahando estrictamente cu Venezuela pa motibonan economico na su beneficio. ” De Handelswijzer Venezuela 2011 is opgesteld voor Nederlandse ondernemers, die geïnteresseerd zijn in handel met Venezuela. Het document is geschreven vanuit de overtuiging dat de Venezolaanse economie kansen biedt aan Nederlandse ondernemers voor nieuwe activiteiten”. Pero no solamente den comercio tin interes di Hulanda pero tambe Hulanda tin hopi interes den e gas di Venezuela. Volgens het ministerie van Energie en Olie beschikt Venezuela over aardgasreserves ter grootte van 4838 miljard m3, een schatting die door de OPEC erkend wordt. Grote gasvelden zijn te vinden voor de kust ten noorden van het schiereiland Paria dichtbij Trinidad en Tobago. Akinan segun Parlamentario mr. Juan E. Thijsen nos tin cu para keto. Gobierno di Reino den cuadra di esaki a firma varios convenio di cooperacion economico cu Venezuela y tambe Reino a regla asuntonan cu ta toca Aruba. Asina tin un convenio firma relaciona cu e awa maritimo entre Aruba y Venezuela. Ya na 2010 gobierno Hulandes a bin ta firma tambe protocol cu Mike Eman tocante gas y companianan riba e tereno ey manera Gasunie. Ta resalta cu ya caba na 2010 Hulanda a firma den un protocol cu lo mester bin cu un pipa di gas entre Aruba y Venezuela. Na e momento ey ainda Mike Eman tabata riba e rumbo di desmantelacion di e refineria. Manera conoci recientemente den cuadra di e reapertura di e refineria di Aruba a combini cu lo traha un pipa di gas entre Venezuela y Aruba.

Segun Parlamentario mr. Juan E. Thijsen tin hopi mas cos andando cu parlamento di Aruba y e pueblo en general no ta na haltura di dje. Tur esaki ta splica tambe e envolvimiento di Hulanda prome cu gobierno di Aruba a negocia e reapertura di e refineria. Hulanda a laga traha un quick scan pa si tur cos cu PDVSA y CITGO ta bon pero tambe si e reapertura ta cuadra di nan plan di Hulanda pa cu Venezuela. Parlamento di Hulanda a exigi den cuadra di curatela di Aruba pa wak e quickscan aki mirando cu Parlamento Hulandes tabata preocupa pa cu e responsabilidad di Hulanda pa e projecto di CITGO. Manera conoci e Parlamento Hulandes a haya e quickscan pa wak (y a keda keto di e tempo ey) mientras Mike Eman y AVP ta nenga oposicion di Aruba wak e quickscan.

Segun Parlamentario mr. Juan E. Thijsen akinan nos ta bin bek na preocupacionan di Hulanda. Awor Hulanda ta mira e situacion na Venezuela cambiando full e panorama cu nan tabata tin planea y esey ta encera cu e pa motibo cu Hulanda a aproba e negociacion cu Citgo awor Hulanda ta responsabel pa cualkier problema cu surgi. Parlamentario mr. Juan E. Thijsen ta pidi pueblo pa keda alerta pa cu e desaroyo aki y di su banda y di banda di partido MEP lo haci tur esfuerzo pa haya claridad pa pueblo cuminsando pa exigi definitavamente haya e quickscan. Partido MEP lo tene gobierno Hulandes y gobierno di Reino responsabel pa cualkier obligacion for di un fracaso di e projecto CITGO y lo percura pa pais Aruba no tin di paga obligacionan.