Home Uncategorized Parlamentario mr. Juan E. Thijsen (MEP): Habri refineria bek tabata un bon...

Parlamentario mr. Juan E. Thijsen (MEP): Habri refineria bek tabata un bon paso pero interes partidista y corumptivo di AVP ta strobando e proceso banda di otro factornan externo.

SHARE

Parlamentario mr. Juan E. Thijsen mescos cu tur hende ta sigui e projecto di Citgo di cerca.

Segun  Parlamentario mr. Juan E. Thijsen (MEP) para e desmantelacion y habri refineria bek tabata un bon paso pero interes partidista y corumptivo di AVP ta strobando e proceso banda di otro factornan externo.  E presencia di un refineria na Aruba semper bai ta un tema di discucion. Di un banda tin esunan cu ta kere cu mester para energia fosil na Aruba completo y bai over pa projectonan mas limpi y di otro banda bo tin e gran mayoria cu ta kere cu e refineria ta importante pa nos economia y sigur ariba termino cortico y mediano. Tur rapport financiero economico ta bisa bo esey cu no tin otro alternativa a termino cortico.

Segun Parlamentario mr. Juan E. Thijsen manera conoci Prome Minister mes a keda memey di e discucion di e refineria. E no sa si e ta carni o pisca. Mike Eman lider di AVP a anuncia cu pa 2020 Aruba lo ta fosil free y di otro banda Mike Eman a permiti su fraccion den parlamento aproba e proposicion di su Ministernan pa habri e refineria.

Parlamentario mr. Juan E. Thijsen tambe hunto cu e fraccion di MEP a vota na fabor di habri e refineria y ta para tras di e situacion aki. Sinembargo e manera sin transparencia cu gobierno ta hibando cu e projecto ta trece hopi incertidumbre den pueblo y ta crea duda si e projecto ta bon si of no.

Gobierno actualmente ta ricibiendo plaka for e projecto cu pa awor ta yuda tapa e buraco di debe. Sinembargo tin awor preocupacionan grandi pasobra a sali informacion di Banco Central cu tin un atraso grandi den e projecto y esaki por tin consecuencianan dramatico pa finanzas publico y e economia en general. Ministro di Economia Richard Arends a sali desmenti posiblemente riba ordo di Mike Eman pero Parlamentario mr. Juan E. Thijsen ta duna mas peso na Banco Central cu ta un instancia constitucional manera Raad van Advies y Algemene Rekenkamer.

Parlamentario mr. Juan E. Thijsen ta kere cu gobierno no mester ganja pueblo y mester ta mas transparente. Pero e gobierno aki no conoce transparencia, e ta un modus operandus di e gobierno aki pa haci y tapa actonan corumptivo. Den caso di refineria segun Parlamentario mr. Juan E. Thijsen tin dos aspecto. Uno gobierno ta exigi cu ta solamente compania afilia na AVP ta haya trabao den refineria y pio e ta un secreto publico cu un compania di un Minister envolvi tambe ta activo den e refineria. Lo tabata mas etico si e Minister a retira y bai full time den e refineria.

E otro aspecto cu ta curumptivo ta e asunto di personal. Gobierno ta controla y vigila ken si y ken no por drenta e refineria unda politica ta hunga un rol. Tambe a crea e posibilidad pa haci negoshi cu trahadornan di exterior pa cual e Ministro di Labor actualmente ta bao investigacion.  Parlamentario mr. Juan E. Thijsen ta lamenta tur e procedimiento di gobierno di AVP y ta spera cu pronto partido MEP tuma mando di e pais pa pone e projecto di Citgo core mihor.

E bon noticianan ta cu a para e desmantelacion y cu Venezuela mester di nos refineria pa procesa nan petroleo crudo pisa. Di eynan Aruba mester saca maximo probecho pero na bienestar pa un y tur. Parlamentario mr. Juan E. Thijsen y partido MEP ta cla pa e reto. Hunto p’e cambio sin miedo.