Home Uncategorized Lider di AVP a ricibi regalo di bario di Calbas Britten: “nos...

Lider di AVP a ricibi regalo di bario di Calbas Britten: “nos ta sostene Minister Presidente den e proximo eleccion!”

SHARE
????????????????????????????????????

ORANJESTAD – Den fin di siman Partido AVP tabata di bishita den bario di Calbas cu tabata un exito rotundo. Entusiasmo y aprecio pa e bon trabou haci pa e gobierno, lidera pa partido AVP, ta sumamente algo. Asina tambe lider di AVP, Mike Eman,  a wordo sorprendi cu un bunita regalo.

Tabata mas o menos un luna pasa cu e lider di AVP tabata di bishita den e bario aki, como Prome Minister, unda cu a inaugura e prome luz LED pa bario, den un area cu a biba hopi tempo den scuridad. Den e mesun bario tambe a inaugura algun siman atras un ‘batting cage’ pa hobennan di e bario y bisindario cu ta practica baseball. Awo cu el a bolbe como lider di AVP, sr. Mario Britten tabatin un sorpresa cla pa lider di AVP na nomber di henter Calbas.

Britten a presenta lider di AVP cu un bunita cuadro relata na e historia di e Calbas, bisindario y Aruba. El a conta cu entre 1891 pa 1909 un compania Ingles cu tabata opera na Aruba den exploracion di oro y tabata opera 5 bena (mina) den e area di Noord. Riba e cuadro tin pinta un cas di antes, cu un molina di biento den e area unda e compania Ingles tabata opera. “Esaki ta un recuerdo di nos bario pa bo persona, pa e atencion cu semper bo tin pa Calbas,” y cu hopi entusiasmo, Britten a agrega cu, “nos ta sostene Minister Presidente den e proximo eleccion!”

Eman di su banda a bisa cu ta un honor semper pa ta den e bario di Calbas y e ultimo tabata un  bishita mas special pasobra a trece luz den un area scur. “Masha danki pa e hospitalidad di semper cu boso ta duna nos,” Eman a bisa.