Home Uncategorized Homber cu ta sufri di enfermedad mental y agresivo a drenta Maria...

Homber cu ta sufri di enfermedad mental y agresivo a drenta Maria Goretti School, causando bastante consternacion

SHARE

Paradera – Diaranson mainta algo prome cu 8:30 polis ta bay Maria Goretti School pa un caso di un homber cu ta haciendo basta fastioso na e skol. Mientras nan tawata yegando, nan tawata haya mas informacion indicando cu e homber aki lo ta sufri di un enfermedad mental.

Dialanti porta di Misa Santa Filomena, ela cuminsa altera pa despues cuminsa core bay, drenta e skol

Ora cu patruya di Santa Cruz a yega Paradera na e skol, nan ta wak e homber aki drumi e entrada di Misa Santa Filomena. Polis mes ora a bay atende cune, pero e homber a reacciona agresivo y a cuminsa grita cu e no tin cedula y insulta polis.

Polis cu despues a bay pa detene mirando cu si e keda e lo bay causa mas problema, pero aki ta caminda cu e homber a core drenta e skol, e tawata na grito y te hasta drenta klasnan caminda muchanan tawata hopi spanta y tin te hasta tawata jorando.

E miedo cu polis tawata tin ta pa e no haci un criatura daño. Un ciudadano tambe a yuda polis pa gara e homber y wante pa asina pone den boei. A pidi un otro patruya mas pa yega y asina transporte pa warda.

Momento cu e homber ta den boei y transporta pa warda

Segun nos por compronde, e homber aki cu ta conoci den Paradera no ta bon mentalmente y parse cu algun dia prome ya e tawata causa molester na e muchanan, parse door di haci cosnan menos bunita.

Ta bon pa instancianan concerni tuma e caso aki hopi na serio y pone e homber aki un caminda. Door di su enfermedad mental bo no por premira kiko e lo por bay haci next.