Home Uncategorized Glenbert Croes na PDVSA CITGO TECHnip: E era di privilegio na companianan...

Glenbert Croes na PDVSA CITGO TECHnip: E era di privilegio na companianan liga na AVP manera PMEC y otronan lo yega na su

SHARE

Nos ta rechasa contundentemente e declaracionnan di Minister Richard Arends di AVP unda e la bisa cu lo trece expertonan di afor, nos kier bisa Gabinete Mike Eman: aki 4 luna tin eleccion y nos pueblo lo eligi un gobierno nobo cu lo pone un fin na e era di privilegio na companianan liga na AVP manera PMEC y otronan.

 

Na e momentonan cu un delegacion grandi di Venezuela ta na caminda pa anuncia e continuidad di e rehabilitacion di e refineria, e financiamiento di e refineria, e gas ducto y awor e inversion den e planta di gas,  nos kier notifica PDVSA CITGO cu den e gobierno nobo di MEP nan lo por conta cu nos apoyo pa un ehecucion exitoso di e rehabilitacion di e refineria. Nos ta convenci cu lo no tin e retrasonan indebido tumando luga den periodo di e gobierno nobo paso companianan liga na AVP cu awor ta bringando pa nan tajada di e bolo poniendo en riesgo e ehecucion exitoso di e proyecto y su inversionnan, e era di privilegio ey lo yega na su fin.

 

Cu e gobierno nobo di MEP, tur contratistanan local lo haya un oportunidad husto y nos ta exigi esey di PDVSA CITGO y TECHNIP. Tur trahadornan local lo haya un oportunidad husto y nos ta exigi esey di PDVSA CITGO y TECHNIP.

 

Cu e gran noticianan cu lo wordo anuncia ta importante recorda y ta prohibi pa lubida con AVP tabata “death set” pa desmantela e refineria di Aruba. Si no tabata pa MEP y nos pueblo cu a bay Accion Ora Cero pa manda Valero y AVP e mensahe cu nos pueblo bao niun circumstancia lo permiti nan desmantela e refineria, awe e realidad pa nos pueblo referente e refineria lo tabata tristo. Pero nos pueblo y MEP su lucha pa salba e refineria a vence.

 

Cu AVP, PDVSA, CITGO kier reconoce o lag’i reconoce no ta importante, si no tabata pa MEP awe no tin e refineria. MEP semper a kere den e refineria y nos lo percura pa den bon cooperacion cu PDVSA CITGO implementa e rehabilitacion di e refineria e gasducto y e planta di gas den forma agil y exitoso.

 

Aruba y Venezuela mester sali ganador. No manera awor ta cierto companianan liga na ministernan di AVP so ta haya trabao. E privilegio pa AVP lo caba pa asina nos pueblo haya oportunidad pa mira e progreso di nos trahadornan y contratistanan local.